User:Ahirgovabhai

પાટણ જિલ્લામાં ભાજપનો આંતરીક વિખવાદ ચરમ સીમાએ, સોશિયલ મીડિયામાં ફરતી વાયરલ પોસ્ટથી સ્થાનિક રાજકારણ ગરમાયું

ગુજરાતના પાટણ જિલ્લામાં ભાજપમાં ઉકળતો ચરૂ જોવા મળી રહ્યો છે. મળતા અહેવાલ પ્રમાણે રાધનપુરની ઘટના બાદ હવે ચાણસ્મા વિધાનસભા વિસ્તારમાં ભાજપના પદાધિકારીઓ અને પક્ષના કાર્યકરોનો આંતરીક અસંતોષ સપાટી પર આવ્યો છે. ચાણસ્મા ભાજપનાં સાત જેટલા આગેવાનોએ વિધાનસભા અને પક્ષની ઘોર ખોદી હોવાની એક પોસ્ટ વાયરલ થઇ હતી.

પાટણ જિલ્લા પંચાયતની વિવિધ સમિતિઓની રચના વખતે પક્ષમાં અને જિલ્લા પંચાયત સદસ્યોમાં અસંતોષે હવે હવા પકડી

પાટણ જિલ્લા પંચાયતની વિવિધ સમિતિઓની રચના વખતે પક્ષમાં અને જિલ્લા પંચાયત સદસ્યોમાં અસંતોષે હવે હવા પકડી છે.જેથી ચાણસ્માનાં રાજકારણમાં ઠંડીની ઋતુમાં પણ ગરમીનો અહેસાસ થઇ રહ્યો છે. વાયરલ પોસ્ટમાં ઉલ્લેખ કરવામાં આવ્યો છે કે ચાણસ્મા તાલુકાનું સંગઠન અને પાટણ જીલ્લા સંગઠનના બન્ને સંગઠનના હોદ્દેદારો સેટિંગ બાજનો આરોપ લગાવવામાં આવ્યો છે.

બન્ને સંગઠનના હોદ્દેદારો સેટિંગ બાજનો આરોપ

પાટણ જિલ્લામાં છેલ્લા ઘણા સમયથી અંદરોબદર ચાલી રહેલો વિખવાદ હવે ચરમસીમા પર પહોંચ્યો છે. તો બીજી તરફ આ મામલે પાર્ટી હાઈકમાન્ડ કોઈપણ પ્રકારનું એક્શન લે છે કે નહીં તે હવે જોવાનું રહ્યું. આ આંતરીક વિખવાદની અસર ક્યાં સુધી રહેશે અને અંત કઈ રીતે લાવવો તે પક્ષ માટે યક્ષ પ્રશ્ન રહેશે.

Patan live news GJ 24