User:Studywithicell100

Qatardakı qız (film,2016)

Baş rollarını Emily Blunt,Justin Theroux,Rebecca Ferguson,Haley Bennettin paylaşdığı film mistik triller,dram janrında olub alkoqol aludəçisi olan bir qadının həyatını və başına gələn hadisələri nəql edir.

Film amerikalı yazıçı Paula Hawkinsin eyni adlı əsəri (The Girl on the Train) əsasında çəkilib. Ssenarisi Erin Cressida Wilsona aid olan filmin rejissor kürsüsündə isə Tate Taylor durur. Çəkilişləri 4 noyabr 2015-ci ildə başlayan filmin premyerası 20 sentyabr 2016-cı ildə Londonda baş tutub.

Mövzu

Rachel Watson (Emily Blunt) həyat yoldaşından boşanmış, psixoloji sarsıntılar keçirən alkoqol aludəçisi bir qadındır.Hər gün yaşadığı yerdən New Yorka gedən eyni qatara minir və eyni oturacaqda əyləşərək pəncərədən ətrafa baxır.Əslində isə onun bu addımı təkrarlamasının başlıca səbəbi qatarın Rachelin keçmiş həyat yoldaşı-Tom Watson (Justin Theroux) ilə yaşadığı evin yanından keçməsidir.Lakin o anlayır ki,hər şey artıq dəyişib,Tom özünə yeni həyat qurub,ailəlidir və xoşbəxtdir.Bir zamanlar, Tomla necə xoşbəxt olduğunu xatırlamağa çalışan Rachel isə hər dəfə etdiyi xətaları xatırlayaraq məyus olur.Rachelin diqqətlə tamaşa etdiyi və ideal xoşbəxtliklərinə görə heyran olduğu digər bir ev isə Hipwellərin evidir.Hipwellər Tomgilə qonşudurlar. Rachel hər dəfə qatarın pəncərəsindən Megan Hipwell ( Haley Bennett) və həyat yoldaşı Scott Hipwellə tamaşa edərək necə xoşbəxt olduqları ilə bağlı öz-özünə fərziyyələr yürüdür.Bütün bunlar hər gün təkrarlanır,ta ki, Rachel bir gün təsadüfən Meganı başqa adamla evlərinin eyvanında görənə kimi.Rachelin Meganın səhv etdiyini düşünməsi və bunun qarşısını almaq üçün ona müdaxilə etmək istəməsi hadisələri daha da çətinləşdirir.Qəflətən,Meganın ortadan yox olması,Racheli təşvişə salır. Hadisələrin düz mərkəzində dayanan Rachel öz keçmişi ilə Megan Hipwell və Tomun yeni həyat yoldaşı olan Anna Watsonun həyatları arasındakı əlaqəni axtararkən əsla ağlına belə gəlməyəcəyi hadisənin üstünü açır.

Rollarda

Emily Blunt- Rachel Watson

Rebecca Ferguson- Anna Watson

Haley Bennett- Megan Hipwell

Justin Theroux- Tom Watson

Luke Evans- Scott Hipwell

Edgar Ramirez, Dr.Kamal Abdic