User:Zan lu hnaung
ချွေချွေတာတာအသည်းကွဲခဲ့သည် •••••••••••••••••••••••••••••••••••••• မျှော်လင့်ထားသမျှတို့ပျက်စီးဆုံးရှုံးသွားသောအခါ ဖြစ်ပေါ်လာသောခံစာမှုသည် ဆောက်တည်ရာမဲ့လှ၏။ အတွေးတို့ဖြင့်တည်ဆောက်ခဲ့ရသမျှသည် စကားလုံးအနည်းငယ်မျှနှင့် တည်ဆောက်ထားသမျှတို့ကို ပျက်စီး အောင်ဤမျှအစွမ်းထက်လိမ့်မည်ဟု အနည်းငယ်မျှပင်တွေးမကြည်ဖူးပေ။ရင်တစ်ခုလုံးနောက်ကျိရှုပ်ထွေးပြီး ဦးတည်ရာမဲ့လှမ်းလျှောက်လာမိသမျှ ခေါင်းငိုက်စိုက်ကျလျက်။"ကျွန်မတို့နှစ်ယောက်ရဲ့ဇာတ်လမ်းကို ဒီမှာပဲ ရပ်လိုက်ကြရအောင်"တဲ့လေ။မကြားချင်ချင်ပါဘူးဆိုမှ နားထဲမှာပဲ့တင်ထပ်မျှအပြန်ပြန်ကြားယောင်နေမိတာ ကလည်းကိုယ့်ကိုကိုယ်ဒေါသဖြစ်မိသည်။ကိုယ်လိုချင်တာကလွဲပြီး ကျန်တာဘာမှဂရုမစိုက်တတ်တဲ့သတ္တဝါထဲ မှာမိန်းမဆိုတာထိပ်ဆုံးကပါနေလိမ့်မယ်။ဟုတ်တယ်။မိန်းမတွေအားလုံးဒီသဘောချည်းပဲဟု နာနာကျည်းကျည်း သတ်မှတ်ပစ်လိုက်သည်။ဆုံးရှုံးလိုက်ရတာထက်မတန်မရာပေးမိတဲ့ကိုယ့်အချစ်တွေကိုယူကျူံးမရအဖြစ်ဆုံး။
•••••••••••••••••••••
ချို င့်ခွက်တွေထနေတဲ့လမ်းက မိုးဦးကျဆိုတော့ရွှံဗွက် ရေစက်တွေနဲ့ရောနေသည်။ရုတ်တရက်ရွာချလိုက်သည့် မိုးကကျွန်တော်ထက်ပို၍ဝမ်းနည်းပြနေသယောင်။နောက်ကျိရှုပ်ထွေးနေသမျှ ဖွင့်ချခွင့်ရဖို့ သူငယ်ချင်း တစ်ယောက်လောက်ယခုအချိန်ဘေးနားမှာရှိလျှင် ကောင်းမည်ဟုတွေးမိသည်။သို့သော်မရှိ။ "ကလင်...ကလင်...ကလင်" ဘဲလ်တီးသံကြားလို့လှည့်ကြည့်မိတော့ ဆိုက်ကားသမားကလမ်းမဖယ်ရကောင်းလားလို့ငေါက်သည်။အသည်းကွဲလို့စိတ်ညစ်ရသည့်အထဲ ဆိုက်ကားသမားငေါက်တာခံရသည်။ဘာမှပြန်မပြောဖြစ်ခဲ့။သင်္ဘောဆိပ်ခံတံတားဘက်ထွက်လာပြီး မိုးရေထဲ မှာ ခြေပစ်လက်ပစ်ထိုင်ချလိုက်မိသည်။ဆိပ်ခံတံတားလက်ရမ်းကိုမှီရင်း မျက်စိမှိတ်ရင်းခေါင်းမော့ထား လိုက်မိသည်။ကျွန်တော့်အတွေးတို့ကအတိတ်ဆီသို့..........။
••••••••••••••••••••••••••••••
သီတင်းကျွတ်ကျောင်းပိတ်ရက်ပြီးလို့ ကျွန်တော်တာဝန်ကျရာကျောင်းကိုပြန်လာတဲ့ လမ်းခုလတ်တစ်နေရာ။ ကျွန်တော်တာဝန်ကျရာရွာကိုသွားရာမှာလမ်းမှာညအိပ်ရပ်နားရမယ့်ရွာကိုပြေးဆွဲနေတဲ့လိုင်းစက်လှေပေါ်မှာသူ့ ကိုစတွေ့ခဲ့တာပေါ့။ကျွန်တော်တို့ဒေသကရေလမ်းခရီးကိုအဓိကထားရတဲ့ဒေသဆိုတော့ တစ်နေရာကတစ်နေ ရာသွားဖို့အတွက်စက်လှေတို့ သမ္ဗာန်တို့ကို့အားကိုးနေရတာပါ။ မိုးစက်တို့သည်ပြင်းထန်ခြင်းမရှိပေမယ့် ပုံမှန်တော့ကျဆင်းနေသည်။ဂျင်းရှပ်ခပ်ပါးပါးတစ်ထည်ဝတ်ပြီး ထီးတစ်လက်နှင့် စက်လှေပေါ်သို့ အလျင်စလိုတက်လာသည့်သူ့အမူအယာသည် ချက်ခြင်းပင်အိမ်ပြန်ရောက် ချင်နေသည့်ကလေးငယ်တစ်ဦးလိုပင်။ ဖတ်လက်စစာအုပ်ထဲစိတ်မရောက်နိုင်ဘဲ သူ့ကို့စောင်းငဲ့ကြည့်နေမိသူက ကျွန်တော်။ကျွန်တော်ရင်သည် လှိုင်းပုတ်၍လူးလွန့်နေသည့်စက်လှေလိုပင် လှိုက်၍ခုန်နေမိသည်။ "ဒီက အစ်ကို...ဟိုဘက်နည်းနည်းလောက်ရွှေ့ပါလား" ဒီကောင်မလေးကအာသွက်လျှာသွက်ကလေးပါလားဟုတွေးရင်း ကျွန်တော်တစ်ဖက်သို့အနည်းငယ်ရွှေ့ပေး လိုက်သည်။ပြီးတော့စိတ်မဝင်စားနိုင်သည့်စာမျက်နှာများကိုဖတ်ရင်း ဖတ်သာဖတ်ပြီးဘာမျှပြန်မမှတ်မိပဲဖြစ်နေ သော်လည်းစာမျက်နှာများပေါ်မှကျွန်တော်အကြည့်တို့မခွာဖြစ်ခဲ့။ဂျင်းရှပ်ပိုင်ရှင်လေးကတော့အခြားခရီးသည်များနှင့်စကားတွေဖောင်ဖွဲ့လိုနေသည်။ ရွာကလူတွေအကြောင်း၊အဆောင်ကလူတွေအကြောင်း အကြောင်းရေတော်တော်များများပါသည်။ "ဒုန်း....ဒုန်း...ဒုန်း...ဒုန်း" စက်လှေစက်နိုးလိုက်သံကြောင့်ကျွန်တော်ရုတ်တရက်လန့်သွားမိသည်။ဂျင်းရှပ်ပိုင်ရှင်လေးကိုငဲ့ကြည့်မိတော့ ပြုံးစိစိနှင့်ကျွန်တော်အဖြစ်ကိုကြည့်ပြီးရယ်နေသည်။ကျွန်တော်အကြည့်တို့ကိုစာမျက်နှာများပေါ်သို့ကျွန်တော် ပြန်ဆွဲယူလိုက်သည်။စက်လှေစထွက်လို့မြစ်ဝရောက်တယ်ဆိုရင်ပဲ လေနဲ့မိုးနဲ့ပြိုင်တူလာပါတော့သည်။စက်လှေ ခမျာဦးမော့လိုက်ဖင်ထောင်လိုက်နှင့်ထွန့်ထွန့်လူးလျက်....။ ခုနားကစကားတွေဖောင်ဖွဲ့ပြောနေသည်ဂျင်းရှပ်ပိုင်ရှင်ကလေးကတော့ ပါးစပ်ကပွစိပွစိနှင့်သတိရသမျှ ရွတ်နေ တယ်ထင်ပါရဲ့။ကျွန်တော်နှင့်သူမျက်လုံးခြင်းဆုံတော့ ကျွန်တော်သူကိုကြည့်ပြီးပြုံးစိစိလုပ်နေသည်ကိုသတိထား မိသွားပြီးနူတ်ခမ်းကိုမဲ့လျှက်တစ်ဖက်သို့လှည့်သွားသည်။ ••••••••••••••••••••°°•••
"ဒီကျောင်းကဆရာ/မတွေနဲ့မိတ်ဆက်ပေးရဦးမယ်" "ဒီဆရာမက ကျွန်တော်တို့ကျောင်းကိုအသစ်ရောက်လာတဲ့မူလတန်းပြဆရာမဒေါ်ထားထားညို ပါ" ကျောင်းအုပ်ဆရာကြီးကမိတ်ဆက်ပေးမှသူနာမည်ကိုအတိအကျသိလိုက်ရသည်။ကျွန်တော်ကျောင်းထဲဝင်လာ စဉ်ကတည်းကသူနှင့်အကြည့်ခြင်းဆုံပြီးသား။ကျောင်းဝတ်စုံဝတ်မထား၍သာအခြားကိစ္စတစ်ခုနှင့်လာသည်ဟု ထင်မိခဲ့သေးသည်။ဘာမှတော့မမေးမိခဲ့။သူ့ဘေးမှာအမျိုးသမီးအသက်ခပ်ကြီးကြီးတစ်ယောက်လည်းထိုင်နေ သေးသည်။ "ဒီဆရာက ဆရာဦးအောင်ကြည်တဲ့ အလယ်တန်းပြပေါ့ ဒီကျောင်းမှာတော့လုပ်သက်အကြီးဆုံးပဲ ဒီတစ်ကျောင်း တည်းမှာကို ၁၉နှစ်လောက်ရှိပြီ" "ဟုတ်ကဲ့ပါဆရာ...တွေရတာဝမ်းသာပါတယ်" "ကျွန်မကိုလည်း လုပ်ငန်းပိုင်းဆိုင်ရာကအစ အစစအရာရာ ဆုံးမညွှန်ကြားပါရှင့်" စကားတော်တော်သွက်သည်ကိုစက်လှေပေါ်မှာတွေ့ကတည်းကသိပြီးသားမို့သိပ်မထူးပေမယ် ယဉ်ယဉ် ကျေးကျေးနှိမ့်နှိမ်ချချပြောဆိုတတ်ပုံကိုတော့ကျွန်တော်သဘောကျမိသည်။ဆရာကြီးကဆက်၍ဝန်ထမ်းတစ်ဦး ချင်းမိတ်ဆက်ပေးသည်။ "ဒီဆရာနာမည်က ဆရာစံရွှေတဲ့ " "ကျွန်တော်တို့ကျောင်းကဆရာ/မအားလုံးကတော့ဆရာစံဘုလို့ချစ်စနိုးခေါ်ကြတယ် အကြောင်းရင်းကိုတော့ဆရာမနောက်တော့သိပါလိမ့်မယ်" ဆရာကြီးကကျွန်တော်အလှည့်တွင်ပြုံးစိစိလုပ်၍ပြည့်ပြည့်စုံစုံမိတ်ဆက်ပေးသည်။ဘာပဲုဖစ်ဖြစ်ဝန်ထမ်းများအား လုံးကိုညီအစ်ကိုမောင်နှမရင်းချာလိုသဘောထားပြီးရင်းရင်းနှီးနှီးဆက်ဆံတတ်သည်ဆရာကြီးကိုတော့ ကျွန်တော်တိုအားလုံးကချစ်ကြပါသည်။ "ဟုတ်ကဲ့..တွေ့ရတာဝမ်းသာပါတယ်ရှင့်" "အလုပ်စဝင်တဲ့နေမှာ အဖြူအစိမ်းလေးဝတ်လာသင့်တယ်လေ ကျွန်တော်အမြင်ပြောတာပါ"
ကျွန်တော့်အပြောကြောင့်ဆရာမထားထားညို၏စင်ယော်တောင်မျက်ခုံးလေးမြင့်တက်သွားသည်။ဆရာမ ထားထားညို၏အမူအယာကိုကြည့်ပြီးကျွန်တော် ကြိတ်ပြီးသဘောကျမိသည်။ "အဲဒါပဲဆရာမ....ဆရာစံဘုဆိုတာအဲလိုအပြောတွေကြောင့်တွင်လာတာလေ ဒါပေမယ့် ဆရာဘုက သဘောတော့ကောင်းပါတယ်။လုပ်ငန်းပိုင်းဆိုင်ရာကျွမ်းကျင်တယ်။အားကိုးလည်းရတယ်လေ" ရှည်ရှည်ဝေးဝေးရှင်းပြချက်များအပြီး ဆရာကြီးကဟူးကနဲ့မှုတ်ထုတ်လိုက်သောလေနှင့်အတူ ကျွန်တော်ကို ကြည့်ပြီး ခေါင်းကိုငဲ့စောင်းပြသည်။ကျွန်တော်ကတော့ပြုံးနေလိုက်ရုံသာ။ •••••••••\\••••••••••••••• "ဆရာစံရွှေကစကားပြောရင်ဂျစ်ကန်ကန်နဲ့နော်" "ဟုတ်တယ်...ဆရာမရဲ့ဒါကသူ့အကျင့်ပဲလေ စကားကိုကပ်ပြောတဲ့နေရာမှာနှစ်ယောက်မရှိဘူးလေ... တကယ်တမ်းကြတော့လည်း..သူပြောတာတွေကအမှန်တွေပါပဲ...မှန်လွန်းလို့ကိုဘုကလန့်အဖြစ်သတ်မှတ်တာ ခံရတာ" ဆရာမထားထားညို၏အမေးကိုဆရာမခင်ခင်ကျော့ကဖြေရှင်းနေခြင်းဖြစ်ပါသည်။ကျွန်တော်ကလည်းရှစ်တန်းအခန်းဝင်ရန်ရှိသဖြင့်အလာ အခန်းထောင့်မှဆရာမနှစ်ဦး၏အပြောကိုကြားလိုက်ရခြင်းဖြစ်သည်။ "ဘုကလန့်တို့ဂွသမားတို့အခေါ်ခံရတာစိတ်ဆိုးစရာမရှိပါဘူး" "ဘာကြောင့်လဲဆိုတော့ကမ္ဘာကျော်စာရေးဆရာကြီးဂျော့ဘားနာဒ်ရှော့(George Betnard Shaw)ကပြောဘူး တယ်""လောက၌ ယဉ်ကျေးမှုအမြဲရှိနေခြင်း၊တိုးတက်မှုအစဉ်ဖြစ်နေခြင်းတို့မှာသာမန်လူတို့ကြောင့်မဟုတ် ကမ္ဘာပေါ်ရှိဂွသမားများ၏စွမ်းရည်သတ္တိကြောင့်သာဖြစ်သည်"လိုဆိုခဲ့တယ်။ ရုတ်တရက်ဝင်ပြောလိုက်သောကျွန်တော့်အပြောကြောင့် မလုံမလဲဖစ်ကာအားနာနေသောမျက်လုံးများနှင့် ဆရာမထားထားညိုကကျွန်တော်ကိုကြည့်နေသည်။အတန်းဝင်ရန်ရှိနေသည့်အတွက် ကျွန်တော်ဘာမှဆက်မပြောဘဲရှစ်တန်းခန်းရှိရာဘက်သို့သာဆက်လက်ထွက်ခွာခဲ့သည်။ "ဆရာမရယ်...ဆရာစံရွှေကိုအားနာစရာကြီးနော်" "ရပါတယ်..ဆရာမရဲ့...ဆရာဘုကဂွကျပေမယ့်သဘောထားကြီးတာကသူ့ရဲ့အားသာချက်ပဲလေ။အခု ကျွန်မတို့နှစ်ယောက်ပြောနေတာဆရာဘုကြားသွားပေမယ့်သူဘာမှစိတ်ထဲထားမှာမဟုတ်ဘူးလေ။ဒါလည်း သူ့အကျင့်ပဲလေ" ••••••••••••••••••\\••••••••••••••••••• အချိန်တို့သည်ပုံမှန်လည်ပတ်နေကြအတိုင်းလည်ပတ်နေကြသည့်အလျောက် စာသင်နှစ်တစ်နှစ်သည်လည်း တဖြေးဖြေးကုန်ဆုံးဖို့ပင်နီးလာပေပြီ။ထို့အတူ ကျွန်တော်တို့ကျောင်းမှဆရာ/မများမှာလည်းမိမိဒေသရပ်ရွာသို့ ပြန်ရမည့်ရက်နီးလာ၍နေ့ရက်တို့သည်ကုန်ခဲလှသည်ဟုပင် တွေးကောင်းတွေးနေကြပေလိမ့်မည်။သို့သော် ထိုအထဲတွင်ကျွန်တော်မပါပေ။ဘာကြောင့်လဲဟုမေးလာလျှင်လည်းဖြေစရာအဖြေတို့ကတစ်ခုမကအဆင်သင့် ရှိနေပေသည်။ကျွန်တော်တွင်မိဘနှစ်ပါးမရှိကြတော့။အစ်ကိုတစ်ယောက်တော့ရှိသေး၏ သို့သော်လည်းအဝေး မှာဖြစ်သည်။ရွာတွင်အတူပေါင်းသင်းနေထိုင်ကြသောသူငယ်ချင်းများလည်းအိမ်ထောင်ကျသူကကျ၊မလေးရှား၊ ထိုင်းစသောနိုင်ငံများသို့ငွေရှာသွားသူကသွားကြလေပြီ။ထို့ကြောင့်ပင်ရွာကိုမပြန်ချင်ဖြစ်နေရသည့်အထဲ ကျွန်တော်ရင်ထဲတွင်ဆရာမထားထားညိုကိုချစ်နေမိပြီးသူနှင့်ဝေးရမည်ကပင်ရွာကိုပို၍မပြန်ချင်ဖြစ်မိသည်။
အတူလက်တွဲလုပ်ကိုင်ရသောကာလတစ်လျှောက်ဆရာမထားထားညိုနှင့်လည်းပိုမိုရင်းနှီးခဲ့ရသည်။ဆရာမထား ထားညိုသည် အခြားဆရာမတို့ကဲ့သို့ကျွန်တော့်ကိုဆရာဘုဟုမခေါ်ပါ။ဆရာစံဟုခေါ်သည်။ကျွန်တော်က ဆရာမထားထားညိုဟုသာခေါ်ခဲ့သည်။ရင်မှမရိုးသားမှုတို့ကိုလည်းဟန်ဆောင်ထားခဲ့ရသည်။ရင်းနှီးမှုရပြီးသား တို့ကိုမဆုံးရှုံးချင်၍ဖြစ်ပါသည်။ဟန်ဆောင်ခြင်းကိုလူတိုင်းမကြိုက်ကြသော်လည်းလူတိုင်းသည်ဟန်ဆောင်တတ် ကြစမြဲမို့ဆရာမထားထားညိုအပေါ်ထားမိသော မိမိ၏အချစ်စိတ်တို့ကိုယနေထိဟန်ဆောင်ထားခဲ့ရသည်။လုပ် ငန်းခွင်တစ်ခုတည်းတွင်အတူလက်တွဲလုပ်လာရသည်နှင့်အမျှ ဆရာမထားထားညို၏နားလည်တတ်မှု၊သည်းခံမှု သွက်လက်ချက်ချာမှုတို့ကို ပို၍မြင်လာရသည်။စကားပြောရာတွင်ရိုးသားသည်။စိတ်ကောင်းစေတနာကောင်းရှိ သည်။ဤအချက်များကြောင့်ပင်ဆရာမထားထားညိုကိုပို၍ခင်တွယ်လာမိသည်။ ကျွန်တော်၏ဘုတောသောအပြောများကိုလည်း အပြုံးဖြင့်တုန့်ပြန်နားထောင်တတ်လေသည်။ကျွန်တော်မကြိုက် သည့်အချက်တစ်ချက်လည်းဆရာမထားထားညိုတွင်ရှိသေးသည်။
အသေးအဖွဲကိစ္စကလေးကိုပင် နီးစပ်ရာလူနှင့်တိုင်ပင်ပြီးဆုံးဖြတ်တတ်သေးသည်။ကျွန်တော်ကမူ ဆရာမ ထားထားညို၏ဤအကျင့်သည် လိုသည်ထက်မပိုသင့်ကြောင်း မိမိကိုယ်မိမိယုံကြည်မှုပိုမိုထားသင့်ကြောင်း အချို့နေရာများတွင်မိမိ၏ဆုံးဖြတ်ချက်သည်သာပို၍အရေးပါကြောင်း မကြာခဏဆိုသလိုပြောဖြစ်ခဲ့သည်။
စာမေးပွဲစစစ်သောနေ့တွင်ဖြစ်သည်။နေ့လည်အားလပ်နေသောအချိန်၌ ဆရာ/မများအားလုံးစုဝေး၍ စကားစမြည်ပြောနေကြသည်။ ဆရာမထားထားညိုကစကားစသည်။ "ဆရာစံ..." ပြော...ဆိုသည့်သဘောဖြင့်ကျွန်တော်သူ့ကိုကြည့်ဖြစ်သည်။ "ဆရာစံ...ရွာပြန်ရင်ကျွန်မတို့ရွာကတစ်ဆင့်သွားရမှာနော်" ကျွန်တော်ခေါင်းညိတ်ပြသည်။ကျွန်တော်ရွာပြန်မည်ဆိုလျှင် ဆရာမထားထားညိုတို့ရွာမှတစ်ဆင့်မြို့သို့စက်လှေ စီးရမည်ဖြစ်ပြီးမြို့ကတစ်ဆင့်ကျွန်တော်တိုရွာဘက်သို့ပြေးဆွဲသည့်လိုင်းစက်လှေနှင့်ဆက်သွားရမည်ဖြစ်သည်။ "ဒါဆို ကျွန်မတို့အိမ်မှာတည်းပေါ့ မောင်လေးလည်းရှိတယ်လေ...အားနာဖို့မလိုပါဘူး" "ကျေးဇူးအများကြီးတင်ပါတယ်ဆရာမထားထားညို" "အားနာတယ်လို့လည်း မဟုတ်ပါဘူး ဒီကျောင်းမှာတာဝန်စကျကတည်းက ကျွန်တော်အသွားအပြန်တည်းတဲ့ အိမ်ဆရာမတို့ရွာမှာရှိတယ်လေ...ခေါက်ရေများလာတာနဲ့အမျှအိမ်ရှင်တွေနဲ့လည်းပိုပြီးရင်းနှီးနေပါပြီ...ပြီးတော့ ကျွန်တော်တည်းတဲ့အိမ်ကကလေးတွေကလည်း ကျွန်တော်ကိုခင်နေကြပြီလေ သူတို့ဆီမှာမတည်းရင်စိတ် ကောင်းကြမှာမဟုတ်ဘူး။ပြီးတော့ဒီနှစ်ကျောင်းပိတ်ရင်ကျွန်တော်ပြန်ဖြစ်ချင်မှပြန်ဖြစ်မှာပါ" "ဆရာစံကကျွန်မတို့ရွာကဘယ်သူ့အိမ်မှာတည်းတာလဲ" "အမေကြီးအိတို့အိမ်မှာပါ" "သြော်...သိတယ်ကျွန်မတို့အိမ်နဲ့လည်းသိပ်မဝေးဘူး ဆရာစံကျွန်မတို့အိမ်လာလည်လေ" "အောင်မယ် ထားညိုကငါတို့ကျတော့အလည်မခေါ်ဘူး ဆရာစံဘုကိုချည်းခေါ်နေတာပဲ" ဆရာမခင်ခင်ကျော့ကဝင်နောက်သည်။ "အဲလိုလည်းမဟုတ်ပါဘူးမခင်ရဲ့ ဆရာစံနဲ့ကလမ်းကလည်းကြုံနေတော့လေ" "ဟုတ်ပါပြီထားညိုရယ် မခင်ကနောက်တာပါ" ဟုပြောရင်းဆရာမခင်ခင်ကျော့ကဆရာဦးအောင်ကြည်ခေါ်သဖြင့်နေရာမှထသွားသည်။ ဆရာမထားထားညိုကကျွန်တော်ကိုစူးစမ်းသောအကြည့်မျိုးနှင့်လှမ်းကြည့်တော့ကျွန်တော်နှင့်မျက်လုံးချင်းဆုံပြီး မျက်လွှာချသွားပြီးမှတဖန်ပြန်၍စကားစလာပြန်သည်။ "ဆရာစံနဲ့ကျွန်မစက်လှေပေါ်မှာပထမဆုံးဆုံဖူးတာဆရာစံမှတ်မိလား"ဟုဆရာမထားထားညိုကမေးသည်။ "ဟုတ်ကဲ့မှတ်မိပါတယ်" "အဲဒီနေ့ကမြစ်မှာလှိုင်းတွေအရမ်းကြီးတယ်နော်...ကျွန်မအဲဒီနေ့ကတော်တော်ကြောက်ခဲ့ရတယ်" "ဆရာမထားထားညိုကဘာကိုကြောက်တာလဲ" "စက်လှေနစ်သွားမှာကိုပေါ့ လှိုင်းကအရမ်းကြီးတာကိုး" ဟင်း...ဟင်း.... "ဆရာစံကဘာရယ်တာလဲ" "မဟုတ်ပါဘူး...အဲဒီနေ့ကဆရာမထားထားညို ပါးစပ်ကပွစိပွစိနဲ့ဘုရားစာတွေရွတ်နေတာပြန်မြင်ယောင်မိလို့ပါ" "အို...ဆရာစံကလဲ..ကြောက်လို့ရွတ်တာပေါ့"ဟုဆရာမထားထားညိုကနူတ်ခမ်းကိုစူ၍ပြောပါသည်။ဤအမူအ ယာလေးများသည်ပင်ကျွန်တော်ရင်မှမြတ်နိုးမှုလေးများဖြစ်နေပါသည်။ "ကြောက်တတ်ရင်နှစ်ခါသေရတယ် ဆရာမထားထားညိုရဲ့... သေရမှာကိုသေလောက်အောင်ကြောက်နေရတာကတစ်ခါ တစ်ကယ်သေတာကတစ်ခါလေ"ဟုကျွန်တော်ကဆိုတော့။ "ဒါဆိုအဲဒီနေ့က ဆရာစံကမကြောက်ဘူးပေါ့"ဟုမျက်လုံးဝိုင်းလေးများနှင့်ကြည့်ရင်းမေးသည်။ "မကြောက်ပါဘူး သေတော့လည်းကိုယ်တစ်ယောက်တည်းမှမဟုတ်တာပဲ"ဟုကျွန်တော်ပြောတော့ ဆရာမထားထားညိုကရယ်သည်။စာဖြေခန်းဝင်ရန်သံချောင်းခေါက်သံကြားသဖြင့်ကျွန်တော်တို့နှစ်ဦးလုံး မိမိတို့တာဝန်ကျရာစာဖြေခန်းအသီးသီးသို့ထွက်လာခဲ့ကြသည်။ •••••••••••••••••••••••••\\•••••••••••••••••••••• တပေါင်းလ၏သခွပ်ပင်ထက်မှသခွပ်ပွင့်များကဲ့သို့အချိန်တို့သည်တဖြေးဖြေးကြွေလွင့်နေ၏။နှစ်နှစ်ဆိုသောအချိန် သည် နှစ်ရက်မျှလောက်နှင့်ကုန်ဆုံးသွားသည်ဟုထင်မိသောကျွန်တော်သည် ဆရာမထားထားညို၏ အချစ်ကို ရရှိလိုက်၍ဖြစ်မည်ထင်သည်။ထိုကာလများအတွင်းဆရာမထားထားညိုကကျွန်တော်ကို "ကို"ဟုပြောင်းခေါ်ခဲ့ သော်လည်းကျွန်တော်ကနဂိုခေါ်မြဲအတိုင်း ဆရာမထားထားညိုဟူ၍သာခေါ်ဆိုခဲ့သည်။ကျွန်တော်ဤသို့ခေါ် သည်ကိုဆရာမထားထားညိုကသူစိမ်းဆန်သည်ဟုမကြာခဏပြောတတ်သော်လည်း"ဆရာမထားထားညို ဆိုတဲ့အခေါ်အဝေါ်ထဲမှာဘယ်စကားလုံးကိုမှချန်မထားချင်လို့ပါ စကားလုံးတိုင်းကကျွန်တော်အတွက်အရေးပါ တယ်လေ"ဟုကျွန်တော်ပြောသောအခါပြုံးနေသောဆရာမထားထားညို၏မျက်ဝန်းများသည်ကျေနပ်ရိပ်တို့ယှက်သန်းနေသည်ဟုကျွန်တော်ထင်သည်။ ကျွန်တော်ရင်၌ ဆရာမထားထားညိုအပေါ်ထားသောချစ်ခြင်းမေတ္တာတို့သည်လည်းခိုင်မြဲတွယ်ကပ်လွန်းသည်မှာ မိမိဘာသာအသိဆုံး။နူတ်မှတတွတ်တွတ် ဖွင့်ဟပြောဆိုမှုမရှိသောမိမိဝသီအတိုင်းတဖွဖွမပြောဖြစ်သော်လည်း ဆရာမထားထားညိုနားလည်နိုင်လိမ့်မည်ဟုကျွန်တော်ယုံကြည်သည်။ မုတ်သုန်မိုးတို့သည် စတင်ဝင်ရောက်ခဲ့လေပြီ။နွေရာသီ၏ညှင်းပမ်းနှိပ်စက်မှုကြောင့်ပူလောင်ဆူဝေနေသော ကမ္ဘာမြေကြီးမှမြေသင်းနံ့တို့သည်မုတ်သုန်မိုးနှင့်အတူလေပြေတွင်လွင့်ပျံ့လာသည်။စံပယ်ဖူးတို့၏ရနံ့ထူးတို့က လည်းအလွမ်းတို့ကိုအတိုးချနေသည့်အလား။မေလကုန်ခါနီး၍ဇွန်လဆန်းတော့မည် နွေ၏အပူရှိန်အောက်၌ အိပ်မောကျနေခဲ့သောစာင်ကျောင်းများမိုးစက်တို့နှင့်အတူစိုပြေသစ်လွင်လာတော့မည်။ရင်မှအလွမ်းတို့သည် ခိုနားရာရတော့မည်ဆိုသည့်အသိက ကျွန်တော်ကိုလန်းဆန်းတက်ကြွစေသည်။ လိုအပ်သည့်ပစ္စည်းပစ္စယများသိမ်းဆည်းရင်း မနက်ဖြန်ခရီးအတွက်ပြင်ဆင်ရင်းကြည်နူးနေမိသည်။ ဒိုင်ယာရီစာအုပ်အတွင်းမျက်နှာတွင်ကပ်ထားသည့်ဆရာမထားထားညို၏ဓာတ်ပုံပေါ်မှအပြုံးကိုမျက်တောင် မခက်စိုက်ကြည်းရင်း မနက်ဖြန်ဆိုသောနေ့ရက်သည်ဝေးလွန်းလှသည်စုလည်းထင်မိပြန်သည်။ ညဥ့်အတော်နက်သည်အထိအိပ်မပျော်ခဲ့။မိုးလင်းခါနီးမှမျက်ဝန်းတို့သည်အညောင်းမိသည်အလားမှေးခနဲ အိပ်ပျော်သွားခဲ့သည်။ ••••••••••\\•••••••••••• ကျွန်တော်အိပ်ရာမှနိုးသောအခါ မနက်၇နာရီခွဲပြီဖြစ်သည်။အိပ်ရာထဲမှရုတ်တရက်ထထိုင်လိုက်မိသည်က စက်လှေမီအောင်ပြင်စရာများရှိသေး၍ဖြစ်သည်။လုပ်စရာရှိသည်များခပ်သွက်သွက်လုပ်ရင်း ကျောင်းဖွင့်ချိန်တိုင်း သွားနေကျပုံစံဖြင့်စက်လှေဆိပ်ဆင်းခဲ့သည်။ဒီရေထရက်ဖြစ်၍တော်သေးသည်။ကျွန်တော်တို့ရွာသည်ဒီရေထ ရက်ဆိုလျှင်လိုင်းဆွဲသည့်စက်လှေသည်ရေဆန်တိုးရသည်။ရေသေရက်များမှသာလျှင်အစုန်လိုက်ရသည့် သဘောရှိ၍ ရေထရက်တွင်စက်လှေသည်အနည်းငယ်နောက်ကျပြီးမှရောက်လာတတ်သည်။
မနက်စာအဖြစ် ကော်ဖီနှင့်မုန့်ကိုရွာစက်လှေဆိပ်ကဆိုင်တွင်စားရင်း စက်လှေစောင့်နေလိုက်သည်။အတွေး တွင်ဆရာမထားထားညို၏အပြုံးတို့သာနေရာယူလျက်။ ••••••••••••\\•••••••••• မြို့ရောက်တော့ဆရာမထားထားညိုနှင့်စက်လှေဆိပ်မှာပင်ဆုံဖြစ်သည်။အံ့သြဝမ်းသာဖြစ်မိသည်က ကျွန်တော်။ ရင်နှင့်အမျှလွမ်းရသောအလွမ်းတို့အတွက်မထင်မှတ်သောအချိန်တွင်ဆရာမထားထားညို၏မျက်နှာကိုမြင်ခွင့်ရ လိုက်ခြင်းသည်ကံထူး၍ပင်ဖြစ်လိမ့်မည်ဟုကျွန်တော်ထင်ခဲ့သည်။သိုသော်ကျွန်တော်အထင်သည်ကြာရှည်မခံ လိုက်ပေ။ "ကို့..ကိုပြောစရာရှိတယ်" ဆရာမထားထားညိုကကျွန်တော်ကိုထိုသို့ပြောရင်းအနီးရှိသစ်ပင်ရိပ်သို့လျှောက်သွားသည်။ဆရာမထားထားညို ခေါ်ရာနောက်လိုက်ရင်း ကျွန်တော်ရင်မှသိလိုဇောသည် အောင်စာရင်းကြည်နေသော ကျောင်းသားတစ်ဦးကဲ့သို့ ခံစားနေရခြင်းကိုအံ့သြမိသည်။ဆရာမထားထားညို၏မျက်ဝန်းတို့သည်ကျွန်တော်နှင့်အကြည့်ခြင်းမဆုံဖူးသူတစ် ဦးလိုပင်။ "ကျွန်မတို့နှစ်ယောက်ရဲ့ဇာတ်လမ်းကိုဒီမှာပဲရပ်လိုက်ကြရအောင်"ဟုပြောပြီးဆရာမထားထားညိုသည် ကျွန်တော့်ရှေ့မှခြေလှမ်းမှန်မှန်ဖြင့်ထွက်ခွာသွားခဲ့သည်။မမျှော်လင့်သောစကားကိုမမျှော်လင့်ဘဲကြားလိုက်ရ ခြင်းသည်သတင်းစာထဲမှအသိတစ်ယောက်နာရေးကြော်ငြာဖတ်မိသကဲ့သို့ ကျွန်တော်ရင်သည်တဆတ်ဆတ် ခုန်လျက်။ •••••••••••••\\••••••••••••• မိုးရေစက်တို့သည်ကျွန်တော်မျက်နှာပေါ်သို့သက်ဆင်းလျက်။ဝသန်ဦး၏မိုးစက်ပွင့်တို့သည်ကား ရင်မှအပူကို အေးချမ်းစေရန်မစွမ်းသာခဲ့လေပြီ။ကျွန်တော်မျက်လုံးပြန်ဖွင့်လိုက်မိချိန်တွင် အသည်းကွဲခင်းကိုအဓိပ္ပါယ်သတ် မှတ်ဖို့အပြေးအလွှားအဖြေရှာမိသည်။သူငယ်ချင်းတစ်ဦးတစ်ယောက်အနားမှာရှိလျှင်ကောင်းမည် သို့သော်ယခု မရှိ။အရက်သောက်ချင်စိတ်ပေါ်လာသည်။ထိုင်ရာမှထလိုက်သည်။သို့သော်ကျွန်တော့်ခြေလှမ်းတို့ကအရက် ဆိုင်ရှိရာသို့ဦးတည်နေခြင်းကားမဟုတ်။နီးစပ်ရာကွမ်းယာဆိုင်ဝင်ရင်းကွမ်း၂၀၀ဖိုးဝယ်သည်။ဆေးရွက်ကြီးအ များကြီးထည့်ခိုင်းသည်။ကွမ်းယာရောင်းသောကောင်မလေးကကျွန်တော့်ကိုမယုံသလိုကြည့်နေသည်။ကွမ်းယာ နေစဉ်ပင်တစ်ယာတောင်းယူ၍ကျွန်တော်ဝါးလိုက်သည်။ကွမ်းတံတွေးမထွေးပဲအရည်ကိုမျိုချလိုက်သည်။ ကွမ်းရည်ကိုနှစ်ခါမမျိုလိုက်ရ။ကမ္ဘာကြီးချာချာလည်လေပြီ။ကျွန်တော်ကိုယ်မှဇောချွေးများပြန်လာသည်။ဆရာမ ထားထားညို၏စွန့်ပစ်ခြင်းခံရသောဝေဒနာထက်ကွမ်းမူးခြင်းဝေဒနာကကျွန်တော်အားနှိပ်စက်လေပြီ။နီးစပ်ရာ သစ်ပင်ခြေရင်းကိုမှီထိုင်ရင်း ကျွန်တော်၏အသဲကွဲုခင်းသည်ငွေကုန်ကြေးကျအလွန်သက်သာပြီး ကျွန်တော်ပြန်ခဲ့ သောဇောချွေးများနှင့်ရောနှောထွက်ခွာသွားသည်။ •••••••••••••\\•••••••••••• နောက်ပိုင်းကျွန်တော်ကြားသိရသည်မှာ ဆရာမထားထားညိုသည် အိမ်ကစီစဉ်သောနိုင်ငံခြားပြန်တစ်ဦးနှင့်ဧပြီလကုန်ပိုင်းလောက်ကပင်လက်ထပ်ခဲ့ခြင်း ဖြစ်ကြောင်း၊ကျွန်တော်နှင့်ဆုံသည့်နေ့က ကျွန်တော်ကိုလမ်းခွဲစကားပြောသည်ကို သူ့အမျိုးသားကအခြားတစ်နေရာမှကြည့်နေကြောင်း၊ ကျွန်တော်နှင့်အကြောင်းအားသူ့အမျိုးသားကိုပွင့်ပွင့်လင်းလင်းပြောပြီး၍ ထို့နေ့ကသူတို့နှစ်ဦးကြားပြသာနာတစ်စုံတစ်ရာမရှိကြောင်း။ ••••••••••••••••••••\\••••••••••••••••• ကျွန်တော်အသဲကွဲသည့်နေ့ကရွာနေသောမိုးစက်တို့သည် ယခုအခါ ငွေ့ရည်ဖွဲ့လေမည်လား... မိုးအဖြစ်ရွာနေမည်လား... အခိုးအငွေ့အဆင့်မှာပင်ရှိနေမည်လား...မပြောတတ်ပေ။ ယခုအခါဇွန်လဆန်းတိုင်းမိုးရွာလျှင်ကျွန်တော့်တပည့်လေးများကိုသတိရသကဲ့သို့ဆရာမထားထားညိုကိုလည်း သတိရသည့်အခါများရှိသည်။ကျွန်တော်ကြာကြာအသဲမကွဲလိုက်ရခြင်းသည်အချစ်စစ်မမည်၍တော့မဟုတ်ပေ။ ဘဝသည်ပြောင်းလဲခြင်းဟုဆိုပါလျှင် အရာရာသည်ပြောင်းလဲခဲ့ပေမည်။ကျွန်တော်သည်လည်းကောင်း.... ဆရာမထားထားညိုသည်လည်းကောင်း..... သတ္တဝါတိုင်းသည်လည်းကောင်း...... အရာဝတ္ထုတိုင်းသည်လည်းကောင်း....ပြောင်းလဲနေမည်သာဖြစ်သည်။ ပြောင်းလဲဖို့အတွက် အချိန်တစ်ခုသာလိုပါသည်။
ဇန်လူနှောင်း
အမည်ရင်း.ဦးဇော်မင်းနိုင် အခြားကလောင်ခွဲများ.ရွန်းအိမ် ပိုးအောင်၊ပန်းသီကြိုး(ရသေ့တောင်)၊မောင်ဗြူး(ကျောက်တန်း)